وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

راح احكي مشكلتي وبتمنى منكو نصائح مفيده. انا صبيه وعمري 20 ومن الشمال ما في عندي مشاكل بلحب وهاي نعمه من الله سبحانه وتعالى. مشكلتي مع صاحبتي الا كتير كنت اعزها لدرجه كبيره وكانت الصديقه المفضله عندي يعني كل اسراري معها كنا كتير متعلقين ببعض قعدنا فتره 3 سنين صحاب وأخوات خلصنا تعليم وافترقنا بس ضلينا بتواصل مع بعض بخلال هالفتره صارت تتهرب مني وما بعرف شو السبب ؟؟


صورة توضيحية

وسمعت من ناس انو انا مش ماشي بطريق صح و انا ولا مره غلطت بحق نفسي بس مشكلتي كنت حب الطيش وطلعات وكان عندي حريه زايده وهي انسانه ما بتحب هالشاغلات ملتزمه جديه الناس كلها بتحمد فيها وبتحبا لانو بصراحه بتستاهل كل شي خير وانا حسيت باني مش ملتزمه اخلاقيا فغيرت حياتي للاحسن واسا انا مخطوبه ومبسوطه مع خطيبي وحمدالله طريقي صح بس قبل فتره توفى ابي وكثير تاثرت لانو كان انسان عزيز وغالي عليه وأجت عملت الواجب هي وخياتها وواستني باحزاني وقفت جنبي حسيت بهاليوم اني حياتي تغرت كثير وانبسطت بشوفتها .. مع انو هي كمان ابوها توفى جديد وما رحت بلمره عندها وقصرت بحقه! ا كثير وشفت بعيونها الاسى والحزن وانا عم بتندم حاسه انو ظلمتها كثير واسا عرفت قيمتها وقديش كانت وما زالت مهمه بحياتي انا تعبانه كثير بتمنى نسترجع اجمل اللحظات الا قضيناها مع بعض بتمنى تسامحيني بتمنى نرجع زي زمان نضحك ننبسط نشكي لبعض همومنا كنت شوفها بمحلات عامه هيه تسلم علي بس ما كنا نتعمق ونحن لبعض زي اول ما مرتاحه نفسيتي تعبانه يمكن تستغربون من مشكلتي بس صدقوني عندي اهم من كل مشاكلي لانكو ما بتعرفو قديش الصديقه غاليه وكاتمه الاسرار وقديش في ناس اوفيه بحقنا بس نحن ما منوفيها وما منقدرها كيف لازم بتمنى تسامحيني ونرجع زي اول واحسن اشتئتلك كثير والله يرحم ابوكي ويخليلك اخوتك فوق راسك ويرحم ابوي وان شاء الله نلتقى عن قريب امنيه من حياتي ويا ريت تتحقق يا ويا ريت تقريها يا سوسو وتكتبيلي رد شكرا سلفا.
 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il