الأكثر قراءةهذا الأسبوع
آخر تعديل: الجمعة 29 / مارس 02:01

زجل عوامل تربوية اقتصادية سلوكية تُؤدّي إلى العنف بقلم:اسماء طنوس المكر

اسماء طنوس المكر
نُشر: 13/10/21 22:00,  حُتلن: 02:35

لمّا البيت ما فيه أمـان ___لا حُضنَ ولا إحتِـواء
ودوم عايشين بالحرمان___ ما بيلاقوا الاكتـفاء

كيف الوَضِع راح يصير__ يَأس وذُل وإنـفـجـار
وِالبيت ال ناقصُه تدبير___ وأهِل مالـهُــم اقتِـدار
والوضِع صعب وعسير___سَبَّب هَـرَب منِ الدّار
والجوعِ كان إلُه تـأثـير ___لاقوا بالسِّرقـه الدّواء
____________________________
واللّي ساءَت أخـلاقُـه ___صار العنف هُوَّالأساس
وطَعم القَـتلِ بمَـذاقُـه ___ لَجَأ لِاطلاقِ الرّصاص
وضميرُه ياللّي ساقُه ___ كان مَيِّت بِلا إحـسـاس
بهالمصيرِ اللّي لاقُه ___ اختَـلّ العقـل بلا شـفـاء
____________________________
وِالجرايِم عَم تِـزداد ___ لا سائـل ولا مـســؤول
لا تأثير ولا ارتـداد ___ وِالمُجـرم بَرّا بيـجــول
وِالضّحايا بِازديـاد ___ هذا الوضِع مِش مَعقول
وينا الشُّرطه بِالِبلاد ___ تَنِخـلَــص من هَالـبَـلاء


 

مقالات متعلقة