لَو كُنِت عن ألله بعيد ___ وفقدت الإيمـان فِيّـو 
ما رايح تبـقى سعيد ___ وقلبـك حُــب ما فِيّـو 
__________________________ 
التربيِه هيِّ الأخلاق___ السّليمِه راح بِتعـلّيـك 
لَوْ كانها بلا أخـلاق ___السيِّئه راح بِتـوطّيـك 
المحبّه ما فيها خناق___ على خَـيَّك بِتـوَصّيك 
وبِتْجَمِّع حَولَك رفاق___ كُل حدى بيِـلقى زَيّـو
__________________________ 
 لَوكان الُعنف بالبيت___ومِتشَرِّب من أسلوبُه 
تبقى منِ الشَّرِّ أجيت___وماشي عَنفسِ دروبُه 
وعالقسوِه تبقى تربّيت__ وقلبَك طافِح بِعيـوبُه 
يااللي من بيتَك عانيت__ أصــل البـلاوِه مِـنّـو
__________________________ 
وتَيِبـقى بيـتَك سـليـم___ المحبِّه وَحدا بتِشفيـه 
 جُرحَك راح يبقى أليم__ اذا المحبِّــه مـا فيـه
وتَنَّـك تعـيش بنـعيـم___ المحبِّه راح بِتداويـه 
الحُب بيعالِج السّقيـم___ ما راح يستغني عنّو