للإنضمام الى مجموعة الأخبار >> whatsapp.com/channel/0029VaPmmw0FMqrR6DDyOv0E تلجرام t.me/alarabemergency

————————————-
من تداعيات الكورونا وحوار هزلي

أم خالد؛ لا طلعة ولا مشوار يا أبو خالد،حتى أحفادنا ما بنشوفن،
أبو خالد:وين بدنا نروح يا أم خالد 
أم خالد؛جيرانا  تسهلوا لتركيا
أبو خالد؛يعني ،شو القصد نروح عتركيا
 أم خالد:هالمقصوفة الكورونا أقعدتنا في البيت
أبو خالد؛ان شا الله اللي تسهلوا لتركيا بروحو بالسلامة
أم خالد:والله يا أبو خالد خايفة يلقطو من تركيا  الكورونا 
أبو خالد؛بسمع اصابات بسبب الرحلات وتركيا
ام خالد؛انا  مش فاهمة برجع الواحد من تركيا وبلقط كورونا،وبعدي غيرو وبيتو وبنسكر صف في المدرسة
ابو  خالد ؛  ويمكن يدخلو البلد في الرمزور للأحمر
أم خالد؛اللون الاحمر مليح بس ان دخلنا الاحمر لا طلعة ولا روحة ،بنولع هالموقدة وبنقعد،لا مدارس،ولا شغل،ولا يحزنون
ابو خالد ؛وبسكرو البلد وبصير اقول تعيش الرحلات لتركيا؟
ام خالد؛اقولك بدنا نوخذ زوادة من البيت ونروح عالارضيات  ونقعد هناك بلا تركيا بلا بطيخ.
أبو خالد :دائما مبدعة وأفكار بمحلها
ام  خالد؛قللي  هاي "البدود"  العزل الحجر الصحي.
ابو خالد؛ حجر صحي،والواحد بقعد لحالة وبغني"عل بدود" عل بدود "قاعد وحدي  عل بدود"
أم خالد؛انا بسمحش تقعد لوحدك ،انا معاك عالبدود،او ببخرك  بالبخور "وبقول عين الحسود فيها عود وعين اللي  ما صلت   عالنبي
 

أبو خالد:والله يا إم خالدلا بنفع   بخور  ولا عبالة
ام خالد،؛مصروفاتنا زاددت  ، بنشتري مو اد تعقيم كثير
ابو خالد؛ابو يائير  بدعمنا
ام خالد ؛قصدك المقصوف نتنياهو،هذا اللي قال يوم الانتخابات"العرب يتدفقون للصناديق"،ويتم نقل الطلاب من جنين للتصويت.
ابو خالد؛الزلمة تغير وبدو يساعدنا ضد العنف
ام خالد؛مين قال ،
قامت ام خالد وقالت يعني نجنيت يا ابو خالد ،لازم نغني "دام عزك يا ابو يئير" 
ام خالد؛تمزحش يا ابو خالد،كل حياته ضدنا،ترك العالم وانشغل فينا
ابو خالد؛نرجع للكورونا،بدك اكونومكا
ام خالد؛هاي اللي المهووس ترامب قال اشربوها
وانتهى الحوار بين ابو خالد وام خالد"درهم وقاية خير من قنطار علاج،الله يرحمواللي كان بجبرها قبل ما تنكسر،ندير بالنا على حالنا وعلى مجتمعنا"