للإنضمام الى مجموعة الأخبار >> whatsapp.com/channel/0029VaPmmw0FMqrR6DDyOv0E تلجرام t.me/alarabemergency

حبّة الزيتون
للأطفال : زهير دعيم

أنا حبّة الزَّيتون 
بهجة نَظَر للعيون
منّي الأخضر ومنّي الأسود.. 
وشكلي أروع ما يَكون..
في رصّي سعد وهَنَا..
لمّا بتكْبسني الحنون..
بملح وفلفل والميّات..
وشُقَف من ثمر الليمون..
طعمي مُتعة في الشّتويّة..
وفي الصيفيّة وثلج كانون..
مع خبز محمَّر شويّة..
ولبنة بالزّيت معجون..
ذوقوا وتمتعوا فِيِّ..
يا بناتي ويا بنون..
صحتين وألف هنيّة..
أنا بحبكو بجنون..