أعطوا النسوانِ حَقّا __ إلها حقوقـــا الشرعيِّـه

تَحت القهِر ما بتبقى   __   بِتْطــالـــب بالحُرِّيِّــــه

  _______________________________

 حَسَبتوا المرأه قاصـر  __ مالــها بيــنكـــو مكــانِـــه

 لَوْلاهــا ما انــتَ قادر  __ هـــي ِّ أغـلــى إنســانِـــه

إنت مش مِثلا صـابر __ ولا مِـثــلا في الـحـــنــانِ

بيتَك بِوْجــودا عاطِــر  __  مِثْلِ النســمِــه الطّـرِيِّـــه

  __________________________________

  هِيِّ جناـحَـك لَمّا تْطـير  __ من دونا بتــبقى عَالأرض

 وِان غابت عَنَّك بِتصير __ تُبرُم أرِض طول وعَـرض

 هِيِّ المركبِــه ال بتسـير __  مــالَك أوامـــر وفَــــرْض

 بِتْعاملَــك مِثْــلِ الأمــير __  وما بتعــطيـــها الحِنِّــيِّـــه

  ___________________________________

  بتِقــســا دايْمــاً عليــها  __  وِبقـــلبَــــك دايْمــاً شُـكــوك

   ما بيُشعُر قلبَـــك ليـها   __   تاركـــهــا بغَـيـرا مشــبـوك

وما مــرّه بتكـــافيــها   __   وفي عــيـدا ما في مــبـروك

   وهْدِيِّـــه ما تْهــاديــها   __   يالــلّـــي بتـســهــر لَيْـــلِيِّـــه

  ____________________________________

 وفي الشّدِّه مالَك أعصاب  ___  العُنــــف بياخُـــذ مكانُـــه

 بتستعمل معها الإرهـــاب  ___ وعقلاتَــك بِــبـدوا يـجِنّــوا

   والعِــلِّـــه من الِاكتــِئــاب ___  مِش قــادر تِطــلــع مِـنّــو

يا حوينِتـهُم هَالشّــبـــاب  ___ قلوبهــم صارت صخرِيِّـــه