Share this link via
Or copy link
فتاة (19 عاما): أمي تتحداني دائما وأشعر بأنها لا تحبني وتعتبرني عدوة لها
للإنضمام الى مجموعة الأخبار >> whatsapp.com/channel/0029VaPmmw0FMqrR6DDyOv0E تلجرام t.me/alarabemergency
أبرز ما جاء في الرسالة:
أنا راح أحكيلكو عدة مواقف صارت وأنت قرروا وإحكولي شو أعمل وكيف أتصرف
أنا صبية عمري 19 سنة عايشة ببيت كتير حلو وبحب أفراد عائلتي كثير! بس انا عندي مشكلة! أو يمكن ما تكون مشكلة أو مجرد شعور ..بس بحس أنو أمي بتكرهني وما بتطيقني أبدا ..
وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
الرسالة كالتالي:
مرحبا للجميع! أنا راح أكتب مشكلتي وكلي ثقة أنكو مثقفين وراح تتفهمو شعورو وما راح تخذلوني بتعقيباتكو .. أنا صبية عمري 19 سنة عايشة ببيت كتير حلو وبحب أفراد عائلتي كثير! بس انا عندي مشكلة! أو يمكن ما تكون مشكلة أو مجرد شعور ..بس بحس أنو أمي بتكرهني وما بتطيقني أبدا .... بس أنا راح أحكيلكو عدة مواقف صارت وأنت قرروا وإحكولي شو أعمل وكيف أتصرف .. مرة كنت عاملة شعري تسريحة جديدة ! حكتلي أمي " شعرك مش حلو هيك عليكي ما تعملي هيك كمان مرة" .. بنفس اليوم طلعنا عند ناس والناس كتير عجبهن شعري وحكولي أنو حلو ولابقلي، دغري قالتلي أمي قدام الناس "اا مزبوط أنا قلتلها شعرها بجنتن عليها ونصحتها هيك تعملو" ... أنو يمكن تشوفوا الموقف سخيف بس شعوري بالمرة مش مريح بهيك مواقف!!
تصوير: Thinkstock
وغير عن هاي المرة.. مرة كان في عيد صاحبتي وطلبت من أمي اني أروح ما خلتني وحكتلي انو ما في سبب بس هي ما بدها اياني أروح! .. بنفس الجمعة بس التقيت مع صاحبتي وسألتني ليش ما رحت على عيدها حكيتلها أنا أنو ما صارلي فرصة وهيك.. أجت أمي ردت عليها وقالتلها " ولي ما أنا أترجيتك أتروحي وأنت قلتيلي أنك مش جاي عبالك" !! وبس سمعت صاحبتي هالحكي أخذت موقف مني ولإسا ما بتحكي معي ! خايفة أنا أكون مزودتها ولا إشي بس يا جماعة أمي ما بتحبني أنا حاسة بالإشي ما بتحبني! وأنا خايفة لأحكي لأبوي قبل ما يصير مشاكل بناتهن بسببي! شو أعمل ؟ كيف أخليها تحبتني؟ بتمنى شي مرة تيجي تضمني وتبوسني متل كل الأمهات ! أرجوكم إحترموني بتعقيباتكم :) ونهاركو سعيد ، شكرا كثير!
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net
خايفة أنا أكون مزودتها ولا إشي بس يا جماعة أمي ما بتحبني أنا حاسة بالإشي ما بتحبني!