مرحبا زوار العرب، اريد ان اطرح عليكم مشكلتي.. انا صبية حلوة ومتعلمة ومتل كل البنات بحلم اتجوز واعمل عيلة، مشكلتي انو كل ما بتعرف على شاب بلاقي فيه كتير مشاكل وما بتفق معو وبنترك! وتعرفت على أكتر من شاب بهدف الزواج وخطبت 5 مرات لانو ولا مرة كنت مبسوطة مع خطيبي، وما كنت اعرف الاقي حل للمشكلة غير الانفصال!!!

 

 

وبعد فترة وبعد معاناة ، تعرفت على شاب كتير منيح وخطبنا وما اهتم اني خطبت 5 مرات ولاقيت فيه كل مواصفات الشاب المثالي الي بحلم فيه وتجوزنا!! بس المشكلة انو بعد فترة صرت اكتشف فيه كتير مشاكل وعيوب ومش مبسوطة معو ولا مع عيلتو! مش عم بفهمني ولا بقدرني وكتير مضايقة وكل ما اشتكي بحط الحق عليّ!!! وقررنا ننفصل.. 
تأزمت حالتي النفسية كتير، بعدو عمري 26 سنة ورح اصير مطلقة ما بعرف ازا المشكلة فيي انا ولا بالشباب الي تعرفت عليهن!!!! ساعدوني شو أعمل؟؟؟؟ 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net