للإنضمام الى مجموعة الأخبار >> whatsapp.com/channel/0029VaPmmw0FMqrR6DDyOv0E تلجرام t.me/alarabemergency

أبرز ما جاء في الرسالة:

أهلي مش عم برضوا يروحو زيارة لبيت أهل خطيبي طبعا لانه المشوار بعيد من بلد لبلد وهاد الموضوع مزعل خطيبي وحماتي كتير وأنا خجلانة منهن من تصرفات أهلي معهن

آخر فترة علاقتنا متدهورة ومش عم نحكي تلفونات مع بعض والنا فترة كبيرة متقابلناش ونفسيتنا احنا التنين تعبانة كتير

احاسة اني واقفة مش عارفة شو اعمل مع اني بحاول على قد ماقدر ابين لخطيبي ان كل هاد خير واكيد ربنا هيكرمنا وفترة وهتمرق بس انا نفسيا تعبت

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

انا صبية عمري 23 سنة مخطوبة من 3 شهور، عن حب، عندي مشكلة مع أهلي. انا خطيبي من بلدة بعيدة عن بلدتي، وكانوا أهلي رافضين اني اعيش هناك بعيد عنهم، بس انا اقنعتهم او بمعنى اصح وافقوا لما شافوا اني مصممة، لكن مع الوقت صاروا يضايقوني، ما بعطوني المجال أني أحكي في التليفون لو اتصل في اكتر من مرتين في اليوم عشان يطمن علي يضايقوا وتبلش المشاكل بينهن وبيني، وهاد كله غير انهن دايما بيقولوا حكي عنه يكرهوني فيه، وهني مش حاسين انه هاد الحكي كله بيضايقني لاني بحبه ومش هتجوز حدا تاني غيره هني بدهن اياه.

صورة توضيحية 

وغير انه أهلي مش عم برضوا يروحو زيارة لبيت أهله، طبعا لانه المشوار بعيد من بلد لبلد، وهاد الموضوع مزعل خطيبي وحماتي كتير، وأنا خجلانة منهن من تصرفات أهلي معهن، مش عارفة شو أعمل وكيف أتعامل معهن. هاد كله عم بيأثر علي وعلى علاقتي بخطيبي، غير انه آخر فترة علاقتنا متدهورة، ومش عم نحكي تلفونات مع بعض والنا فترة كبيرة متقابلناش ونفسيتنا احنا التنين تعبانة كتير. انا حاسة اني واقفة مش عارفة شو اعمل مع اني بحاول على قد ماقدر ابين لخطيبي ان كل هاد خير واكيد ربنا هيكرمنا وفترة وهتمرق بس انا نفسيا تعبت !!

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net